Mirjana Bobuš - Tekstovi pjesama
Vi se nalazite ovdje: /ČAbook/ČAnat/Mirjana Bobuš/Tekstovi pjesama
U kamenu me nađi
(album "U kamenu me nađi" 95.)
U kamenu me nađi,
jer ja sam tamo sol,
u buri što sve nosi
moja živi bol.
U pjeni sam što kliče
dok udara o žal,
ja sam tvoje more
ja sam onaj val...
Iz pijeska me iskopaj,
ja sam školjka morskog dna.
U ljubav me umotaj
samo to još želim ja.
Nahrani me jugom,
napoji maestralom,
ne miješaj me s tugom
i tvoja bit ću sva.
U iglici sam bora
što čuva staru hrid.
U šljunku sam usna
koja miluje tvoj žal,
u galebu dok plače
kad napušta plavi svod,
ja sam tvoje more
onaj lijepi bijeli brod.
Samo me voli dugo
i čuvaj me.
Na dlanu sam tvome samo zrno
ne bacaj me.
Jer ja sam pjesma koja plače
poslušaj me ...
I voli…
samo voli me…
Lanterna
(Split 95. Radojka Šverko)
Puno let je prepasalo
Kad su mi te zeli,
Ugasili drago svitlo,
A nikad nisu smeli.
Školj mi je zgubil dušu
Još i sad mi plače,
Starac je ostal sam,
i moje mandrače.
Se nevere si kumpanjala
I ribarske suze,
Grube ruke, mokre mriže
Teške od rabote.
Kad bi još zasvitlila
Va buri i va jugu,
Duša bi mi se rascvala
kroz sve moje grote.
Zasvitli, zasvitli, bar još jedanput,
Zasvitli, zasvitli, odrini škurecu,
Zasvitli, zasvitli, da znan da si tu,
Da znan da si tu – moja lanterna.
Zasvitli, zasvitli, bar još jedanput
Zasvitli, zasvitli, odrini škurecu
Zasvitli, zasvitli, da znan da si tu
da znan da si tu
Moja lanterna.
Puno let je preletelo
A tebe više nima,
Ostali su samo zidi
Jedna brižna stina,
Ma more te vavik čuva,
Razbija se o grote
Da te vidin da zasvitliš
Ja bin umrla od lipote.
Zasvitli, zasvitli, bar još jedanput
Zasvitli, zasvitli, odrini škurecu
Zasvitli, zasvitli, da znan da si tu
Da znan da si tu
Moja lanterna.
Zami me sobun sakamo
(MIK 94. Karin Kuljanić)
Za tebe san
Va kamiku i groti,
Va friškeci od mora i soli,
Dišin va ružmarinu i kušu,
Va prstacu mi ljubav počiva
Bušuj me, bušuj, to mi rabi,
Ljuljaj me v rukah kot mat dite
Da zaspin ti na krilu srićna
Od lipote, od te lipote.
Zami me sobun sakamo
I kad partiš na vijaj
Drže nas kadine za mul
I za ovaj naš lipi kraj.
Za tebe sam va mriži i na osti
Klapunica ku je tako teško znet,
Za tebe san se ča se pušćiva tu
I triba to znat trpet.
Nikada te nisan prokljela
(MIK 96. Tereza Kesovija)
Ča je bilo lipo s tobon bit
Baš me bilo briga za celi svit.
Dala san ti svu svoju ljubav,
sve dok nisi rekal – nisan sam.
Nikad nećes znat kako boli,
Ko da si na ranu stavil sol,
Morala san proć, sve pustit
Da ti dici ne donesen bol.
Samo jugo onda čulo je
Kako vrišće duša moja puknjena.
Dažd lice mi je pral
Dok sam plačuć nebo molila
Da ti sve na svitu da
Sve ča ne, ča ne moren ja.
Ime ti nisan zazvala,
Nikad te nisan prokljela.
Plače stara lesa
(MIK 97. Radojka Šverko)
Skud god da dojden
Tornan se doma,
Ona je vavik, vavik tu,
Škripi od sriće,
Diši po starini
Kad samo z rukon i z dušon taknen nju.
Stara je smokva
Od žalosti pala,
Nikoga više doma ni,
Nagrišpan od sunca
Zmučen od mora,
Nonić sprida kuće vavik sidi.
Plače stara lesa,
Plače kot miće dite,
Za onimi dani
Kad se 'j odpirala za se.
I želi mi reć
Z dušon spravljenon za sih,
Došla si zmučena od sih,
Ostani tu.
Diši mi more
Ribe i školjke
I sve ča san va srce spravila,
Ma ruka je samo
Taknula tu lesu
I opet san prošla ća.
Za ljubav san dala se
(MIK 97. Tereza Kesovija)
Na kamiku sam rojena,
Va jugu sam rasla
na škoju sam kupala se
na buri zaspala.
Nevere su lomile me,
Zlomile nisu me
Dušu su rashitale,
Ma jubav bila mi'j se.
Za jubav san dala se,
Se ča iman tu mi je,
Srce mi je kot mandrač,
I još tuče.
Samo nebo more znat
Ča još toga moren dat
Ja živet ću samo za jubav,
Samo jubav.
Lanterne, prosvitlile su
Saki škuri put,
A ja san buru volela
Bonacu čekala.
A život me'j dugo otpeljal,
Va brige zamotal,
Ma jubav bila mi'j vavik se,
Još vavik z manun je.
Ja živet ću za jubav,
Samo jubav.
Nonićeva pasara
(Melodije Kvarnera 03. Mario Battifiaca i ž. klapa Kastav)
Z ranim jutrom prije sunca
Kad i galebi još spe
Tekal je vavik k njoj
Ona 'j mu je bila se
Pa je gladil drvo drago
I povedal joj o moru
Živeli su skupa va svojen sne
Jedno 'j jutro zavavik zaspal
Ni imel ki poć k njoj
Čul san kako 'j škeram plakal
Još ni dobila ni ime ni broj
Nikad ni došla do mora
Nonićeva ljubav stara
Nikad ni došla do mora
Nonićeva pasara
Ona ga je čekat znala
Da je srcen, z dušon stori
Da joj klade si madiri
I napravi joj pajoli
Da joj ziplete verzine
I vesla na njih veže
Ta drvena duša stara
Nonićeva pasara
Moja dota
(album "Moja dota" 04. Mirjana Bobuš i m. klapa Sklad)
Moja je dobrota moja pokora
Leh su svi znali zet
Ča su više duše dobili
To su jače srce gazili
Ma se moralo živet
Jedno jutro ti si došal
Da otareš z lica suzu
Niš nisi pital, ni zel
Samo si čistu dušu otel
O Bože, došla je ljubav
Ma ja niman niš da ti dan
Ni šoldi, ni kuću, leh san;
Jednu kćer od ljubavi,
Lipu besedu za svoj kraj.
Ja niman niš, leh svoju dušu
Va meni bura i jugo pušu
Moju gitaru i teplu besedu
To je se ča za dotu nosin ja.
Sobun ti nosin saki moj val
Da ti pokažen tu lipotu
Mesto lancuni i bele svile
Čuvat će te s Kvarnera vile
O Bože, ča je lipo ljubovat
Mojoj hćeri
(MIK 06. Mirjana Bobuš
i ženska klapa Mareta)
Rekli su stari ljudi
Leh se obrneš, a život pasa.
A ja se još nis ni obrnula,
a ti si, dušo, vela narasla.
Sad s tobun povedan,
ma se i bojin, da mi bižiš.
A kot da'j čera bilo,
A kot da'j čera bilo
da se za me držiš.
Pasiva vrime, leti i teče,
a va duši sega, kraj tebe i mene,
ma samo tvoja ljubav je ista
za sva vrimena.
Kroz dičji smih i prvu ljubav
leta nan biže,
tvoje besede i lipi smih
kroz život nas drže.
A va te san utkala
se pute od života, da umiš hodit.
I vavik će ti svitlit svitlo,
nikad se nećeš moć zgubit.
Sad s tobun povedan,
ma se i bojin, da mi bižiš,
A kot daj čera bilo,
A kot daj čera bilo,
da se za mene držiš.
Dobro jutro kraju primorski
(MIK 07. Mirjana Bobuš, Mario Battifiaca i klapa Reful)
Dobro jutro moje more nemirno,
Dobro jutro mandraći pospani,
Moje grote požmarene, oleandri rascvali,
Dobro jutro kraju primorski.
Dobro jutro moje koće umorne,
Dobro jutro moj galebe jedini,
Stare mriže rasparane i lavande mirisne,
dobro jutro moj kraju voljeni.
Neka ti sunce zapiva kanconu,
O ribaru, mriži, štorije o moru.
Neka te bure po svitu nose
I staro jugo kad cime prkose.
Pa kad zasvitli na punti lanterna,
Bokun života i zadnja kadena.
Ja ću se vavik tebi tornat,
Ja ću se vavik tebi tornat.
Dobro jutro umejki zarasli,
Dobro jutro moje škrape ziprane,
Teple vale skrivene, ružmarinu mirisni,
Dobro jutro kraju moj primorski.
Album "Ne pačajte moju dušu" - 2009. g.
MIK 2010.
MIK 2011.
